اول ما عرفت الحب عرفتك طفل صغير
بعيونك حنان ..حنان الدنيي كلها
ضحكة ..لك تسلملي هالضحكة هالبسمة اللي ما بتفارق شفافك
حدك رح ارجع طفلة صغيرة اعشق الحياة وعيش من جديد
لاحقة صير كبيرة ..بكرا منكبر سوا..حبيبي انا وانت صغار والدنيي كبيرة
العمر قدامنا ..الحياة كلها ورود وشوك .
لو فيي وقف الزمن وخليك صغير مين عندي غيرك
انت اللي بقيت بعد ما كلهم فلو
تركوني وما تركو دموع بعيوني
بوعدك ما تشوفني مجروحة
وما تعرف مين بكاني
بوعدك اسهر عليك كل الليل
كون خيالك وما نام حتى تغفى عيونك
ما تحني راسك للحب متل ما الوردة بتحني راسها بالليل
كون حر..عيش احلامك
من قلبي وعقلي بحبك
لو بقدر احميك من الحزن اللي بعيونك
انا اللي قدامك كبيرة وقوية مكسورة وقلبي مجروح
بخاف تشوف دموعي...خسرت الحب اللي كسبتو
خسرت الحياة اللي نطرتها
يا حبيبي مين بقلبك
خليك حدي ..بعطيك الحب وحنان الدنيي كلها
حبيبي يا عمري حياتي كلها
جربت ابعد عنك ما قدرت اتملكت حياتي ..سيطرت على عقلي
كل شي بزكرني فيك طريق البيت ..الحيطان
انت معي بكل لحظة
جربت اهرب منك اتخبى
بس ما قدرت
ما عم بعرف عيش
ما عم بعرف نام
صرت ضايعة حاسة شي ناقصني
حاسة قلبي مش معي
فتكرت حالي فيي انسى فيي عيش
الكل عم يسألني عنك
كون اللي ..كون الحياة يلي نطرتها
ليست هناك تعليقات:
إرسال تعليق